Миклошевци
Руски валал Горватска
|
Миклошевци (горв. Mikluševci) то населєнє у составе општини Томпоєвци. Векшински то руски валал. Валал ше находзи у Горватскей, у Вуковарско-сримскей жупаниї.
История
[едітовати | едітовати жрідло]Першираз ше валал спомина 1758. року як Миклушевци. Населєнє мало 30 хижи и було населєне зоз Влахами. Вери ше же валал або населєнє було вельо скорей и пред тим под назву Дякра под часц турскей власци на подручу Срима. Алє, материялни докази одходза далєй до историї та бешедую о густо населєним подручу менших населєньох Дражиновци и Каишевац. Материялни доказ то тополя (била тополя) хтора ма коло 370 роки а находзи ше на сиверозаходним рубцу населєня на крижаню трох драгох хтори далєй водзели по старей драги (пред вибудову калдермох) спрам Вуковару та спрам населєню Ґрабово, истоменному озеру и терашньому населєню Чаковци. Древо ма пречнїк 3,07 метери та ше предпоставя же є засадзене у турским чаше скорей самого мена Миклошевци. Нєшка тото стебло символ населєня.
Скорей турского освойованє нєт материялни докази з того подруча окрем єдней мапи хтора ше находзи у варошским музею у Вуковаре и хтора гутори о населєню Дунбастра на юговосточней часци Миклошевцох як и о нєшкайшим лєше Єлаш.
Штредком ХIХ. вику тот валал населюю Руснаци.[1] Вони ше приселюю зоз подруча Мишколца у нєшкайшей Мадярскей и маю помадярени презвиска (Чордаш, Ковач, Колбас, Вереш, Орос и др.), як и з подруча югозаходних Карпатох (Мудри, Лїкар, Гирйовати, Папуґа и др.). Насельованє тирвало коло 30 роки и ту ше населєли коло 150 руски фамелиї або 600 члени, з оглядом же теди фамелиї були численши. Руснаци ширели и розвивали населєнє, збудовали грекокатолїцку церкву, школу та постали векшински народ у валалє хтори мал уж пред Першу шветову войну 956 жительох од чого 92% були Руснаци. У валалє остали и православни жителє, коло 15 хижи з малу церквочку.
Отечествена война
[едітовати | едітовати жрідло]Миклошевци досц чежко страдали под час Отечественей войни у першей часци 1990. рокох. Побунєти Серби, подпомогнути з боку ЮНА, завжали валал 8. октобра 1991. року та векшина жительства напущела валал. Под час спомнутей войни свойо животи за одбрану оцовщини дали 9 жителє влала. После шейсцох рокох под окупацию, 2. новембра 1997. року ґрупа Миклошевчаньох нащивела свойо зруйноване место и теметов. Дня 5. фебруара 2009. року Рада за воєни злодїйства Жупанийского суду у Вуковаре осудзело 12 особи з Миклошевцох на вецейрочни гарешт пре каребне дїло воєного злодїйства над цивилним жительством.[2]
Жительство
[едітовати | едітовати жрідло]З пописом жительств з 2011. року було утвердзене же у Миклошевцох єст 378 жительох.
Спрам попису зоз 2001. у влалє жили 486 жителє.
Року 1991. валал мал 673 жительох з чого 493 були Руснаци (73.25%), 76 Серби (11,29%), 49 Горвати (7,28%), 20 Югославянє (2,97%), 7 Українци (1,04%), 7 Мадяре (1,04%) и 20 други нєвияшнєти.
Населєнє Миклошевци: Рушанє числа жительох од 1857. по 2021. рок:
| Рок | Число жительох |
| 1857. | 608 |
| 1869. | 697 |
| 1880. | 712 |
| 1890. | 814 |
| 1900. | 819 |
| 1910. | 800 |
| 1921. | 876 |
| 1931. | 1010 |
| 1948. | 966 |
| 1953. | 989 |
| 1961. | 859 |
| 1971. | 769 |
| 1981. | 758 |
| 1991. | 673 |
| 2001. | 486 |
| 2011. | 378 |
| 2021. | 265[3] |
Култура
[едітовати | едітовати жрідло]- Миклошевске лєто, културна манифестация;
- КУД Яким Гарди (танєчна секция и женска шпивацка ґрупа).
Образованє
[едітовати | едітовати жрідло]У валалє єст штирирочна основна школа, после нєй школаре образованє предлужую у осемрочней школи у Чаковцох.
Спорт
[едітовати | едітовати жрідло]- Спортске дружтво Русин, Миклошевци;
- Спортске здруженє риболовцох Лєняк, Миклошевци.
Ґалерия
[едітовати | едітовати жрідло]-
Грекокатолїцка церква у Миклошевцох -
-
-
